چیف جسٹس لاہور ہائیکورٹ کا سرکاری محکموں کے متعلق بڑا فیصلہ سامنے آ گیا
لاہور :چیف جسٹس لاہور ہائیکورٹ عالیہ نیلم کا سرکاری محکموں کے متعلق بڑا فیصلہ سامنے آ گیا۔اب کسی بھی شکایت کے بارے میں متعلقہ محکموں سے رجوع کیے بغیر لاہور ہائیکورٹ میں درخواست دائر نہیں ہوسکے گی، براہِ راست کیسز داخل ہونے کے باعث لاہور ہائیکورٹ میں زیر التوا کیسز میں اضافہ ہونے کے باعث فیصلہ کیا گیا۔چیف جسٹس لاہور ہائیکورٹ کا کہنا ہے کہ براہِ راست کیسز دائر کرنے سے سائلین کو بھی اضافی مشکلات کا سامنا کرنا پڑتا تھا، چیف جسٹس عالیہ نیلم کی منظوری کے بعد ایڈیشنل رجسٹرار شبیر شاہ نے سرکلر جاری کر دیا۔
