گلبرگ 3 کے علاقے اکرم پارک کی متعدد گلیوں میں بجلی، ٹیلی فون اور انٹرنیٹ کی تاروں کے بے ہنگم جال نے شہریوں کے لیے مشکلات پیدا کر دی ہیں۔
علاقہ مکینوں کے مطابق مختلف گلیوں اور سڑکوں پر بجلی کے کھمبوں کے ساتھ بڑی تعداد میں تاریں لٹک رہی ہیں، جبکہ کئی مقامات پر یہ تاریں انتہائی کم اونچائی پر موجود ہیں، جس کے باعث شہریوں کو مشکلات کا سامنا ہے۔
مکینوں کا کہنا ہے کہ تاروں کا غیر منظم اور بے ہنگم نظام نہ صرف علاقے کی خوبصورتی کو متاثر کر رہا ہے بلکہ کسی بھی وقت کسی بڑے حادثے کا سبب بھی بن سکتا ہے۔
شہریوں نے متعلقہ اداروں سے مطالبہ کیا ہے کہ اکرم پارک کی گلیوں میں لٹکتی ہوئی تاروں کا فوری نوٹس لیا جائے، غیر ضروری اور ناکارہ تاریں ہٹائی جائیں جبکہ باقی تاروں کو مناسب اور محفوظ طریقے سے منظم کیا جائے تاکہ کسی ممکنہ حادثے سے بچا جا سکے۔
