پاکستان کی معیشت کی ترقی 3 فیصد رہنے کا امکان، آئی ایم ایف کی رپورٹ جاری

پاکستان کی معیشت کی ترقی 3 فیصد رہنے کا امکان، آئی ایم ایف کی رپورٹ جاری

عالمی مالیاتی ادارہ (آئی ایم ایف) نے اپنی تازہ رپورٹ میں پیش گوئی کی ہے کہ رواں مالی سال پاکستان کی معاشی ترقی 3 فیصد ہو سکتی ہے، جبکہ اگلے مالی سال یہ 4 فیصد رہنے کی توقع ہے۔

آئی ایم ایف نے مالی سال 2024-25 کے لیے اپنی ورلڈ اکنامک آؤٹ لک رپورٹ جاری کی ہے، جس میں بتایا گیا ہے کہ رواں مالی سال بھارت کی معیشت کی ترقی 6.5 فیصد تک پہنچ سکتی ہے، اور اگلے سال بھی یہی شرح برقرار رہنے کا امکان ہے۔

رپورٹ کے مطابق، امریکہ کی معیشت کی ترقی رواں مالی سال 2.7 فیصد متوقع ہے، جبکہ آئندہ مالی سال میں یہ 2.1 فیصد رہنے کی پیش گوئی کی گئی ہے۔

چین کے بارے میں بتایا گیا ہے کہ اس کی معیشت کی ترقی 4.6 فیصد رہے گی، اور اگلے مالی سال میں یہ معمولی کمی کے ساتھ 4.5 فیصد رہ سکتی ہے۔

برطانیہ کی معیشت کی ترقی بھی کافی سست رہنے کی توقع ہے، جس کے بارے میں کہا گیا ہے کہ رواں مالی سال یہ 1.6 فیصد اور اگلے مالی سال 1.5 فیصد رہے گی۔