پاکستان کرکٹ ٹیم کے ہیڈ کوچ جیسن گلیسپی نے جنوبی افریقا جانے سے انکار کر دیا ہے۔ پاکستان کرکٹ ٹیم اس وقت جنوبی افریقا کے دورے پر ہے، جہاں دونوں ممالک کے درمیان ٹی ٹوئنٹی سیریز جاری ہے، جس کے بعد ون ڈے اور ٹیسٹ میچز بھی ہونے ہیں۔
جیسن گلیسپی کو کل جنوبی افریقا پہنچنا تھا تاکہ وہ پری ٹیسٹ کیمپ کی نگرانی کریں، لیکن ذرائع کے مطابق انہوں نے جنوبی افریقا جانے کا فیصلہ نہیں کیا۔ گلیسپی نے پی سی بی کے ریڈ بال ٹیم کے کوچ ٹم نیلسن کے معاہدے کی توسیع نہ ہونے کی وجہ سے یہ فیصلہ کیا۔
ذرائع کے مطابق، گلیسپی نے ذاتی وجوہات کی بنا پر جنوبی افریقا نہ جانے کا بتایا۔ یاد رہے کہ پاکستان کرکٹ بورڈ نے گلیسپی کو مستقبل میں مزید ذمے داریاں نہ دینے کا فیصلہ کیا تھا۔
گلیسپی کا کہنا تھا کہ انہوں نے بھی گیری کرسٹن کی طرح وقت سے پہلے مستعفی ہونے کا فیصلہ کیا ہے۔ اسی دوران، وائٹ بال کے عبوری ہیڈ کوچ عاقب جاوید کے بارے میں یہ امکان ہے کہ وہ ریڈ بال کے ذمے داریاں بھی جاری رکھیں گے۔
یہ خبر بھی سامنے آئی تھی کہ پی سی بی نے جنوبی افریقا کے خلاف ٹیسٹ سیریز کے لیے ٹم نیلسن کے معاہدے میں توسیع نہیں کی ہے۔
