اوکاڑہ میں نوجوان نے بیوی کو قتل کرنے کے بعد خودکشی کر لی، سالی زخمی

اوکاڑہ میں نوجوان نے بیوی کو قتل کرنے کے بعد خودکشی کر لی، سالی زخمی

اوکاڑہ کے محلہ فرید آباد میں ایک افسوسناک واقعہ پیش آیا جہاں ایک نوجوان نے اپنی بیوی کو قتل کرنے کے بعد خودکشی کر لی، جبکہ اس کی فائرنگ سے سالی شدید زخمی ہوگئی۔

تفصیلات کے مطابق، نوجوان ثقلین کی بیوی حمیرا روٹھ کر میکے آئی ہوئی تھی۔ ثقلین اسے منانے کے لیے آیا تھا، مگر بات تلخ کلامی تک پہنچ گئی۔ اس دوران، ثقلین نے غصے میں آکر چھری سے وار کرکے اپنی بیوی کا گلا کاٹ دیا۔ جب حمیرا کی بہن نے اسے بچانے کی کوشش کی، تو ملزم نے اسے بھی زخمی کر دیا۔

قتل کے بعد، ملزم ثقلین گھر سے باہر نکل آیا اور وہاں خود پر بھی چھری سے حملہ کرکے اپنی جان لینے کی کوشش کی۔ اسے ہسپتال منتقل کیا گیا، مگر وہ راستے میں دم توڑ گیا۔

پولیس نے جائے وقوعہ پر پہنچ کر لاش کو قبضے میں لے لیا اور پوسٹ مارٹم کے لیے ڈی ایچ کیو ہسپتال منتقل کر دیا ہے۔ پولیس اس واقعے کی تحقیقات کر رہی ہے تاکہ مزید حقائق سامنے آسکیں۔