حافظ آباد کے علاقے کوٹ نکہ میں نامعلوم افراد کی فائرنگ سے پاکستان تحریک انصاف (پی ٹی آئی) کے مقامی رہنما قمر جاوید ایڈووکیٹ جاں بحق ہوگئے۔ پولیس کے مطابق، قمر جاوید ایڈووکیٹ کو نماز فجر کے لیے مسجد جاتے ہوئے نشانہ بنایا گیا، جس کے نتیجے میں وہ موقع پر ہی دم توڑ گئے، جبکہ حملہ آور فرار ہونے میں کامیاب ہوگئے۔
حکام کے مطابق، مقتول قمر جاوید گزشتہ انتخابات میں پی ٹی آئی کے صوبائی امیدوار تھے۔ پولیس نے واقعے کی تحقیقات کا آغاز کر دیا ہے اور ملزمان کی تلاش جاری ہے۔
