6 لاکھ فالوورز والے ٹک ٹاکر کا لائیو ویڈیو کے دوران بہیمانہ قتل، سوشل میڈیا پر کہرام مچ گیا

میکسیکو میں سوشل میڈیا انفلوئنسر سیزر گاسٹیلم کا لائیو ویڈیو کے دوران قتل میکسیکو کے معروف سوشل میڈیا انفلوئنسر سیزر گاسٹیلم کو ریاست سینالوا کے شہر کولیاکان میں لائیو اسٹریمنگ کے دوران فائرنگ کرکے قتل کر دیا گیا۔ اہم نکات: سیزر گاسٹیلم اپنے دو دوستوں کے ساتھ ایک فاسٹ فوڈ ریسٹورنٹ کے باہر ویڈیو بنا رہے تھے۔ تینوں افراد نے فوڈ ڈیلیوری رائیڈرز جیسی نارنجی جیکٹس اور بیگز پہن رکھے تھے۔ اسی دوران موٹرسائیکل پر سوار دو افراد وہاں پہنچے، جن میں سے ایک نے قریب آکر سیزر پر فائرنگ کی۔ حملے میں سیزر موقع پر ہی ہلاک ہوگئے۔ سیکیورٹی حکام نے واقعے کی تصدیق کرتے ہوئے حملہ آوروں کی تلاش شروع کردی ہے۔ حکام سیزر کی بعض سوشل میڈیا پوسٹس کا جائزہ لے رہے ہیں، جن میں مبینہ طور پر ایک مجرمانہ گروہ کے دھڑے کا ذکر موجود تھا۔ سی سی ٹی وی فوٹیج اور دیگر شواہد کی مدد سے ملزمان کی شناخت کی کوشش کی جا رہی ہے۔ سیزر گاسٹیلم کے TikTok اکاؤنٹ پر تقریباً 6 لاکھ فالوورز تھے اور وہ مزاحیہ ویڈیوز کے باعث مشہور تھے۔