گجرات: تھانہ صدر کھاریاں کی حدود میں پولیس مقابلے کے دوران پولیس کانسٹیبل عمر آفتاب کو شہید کرنے والا ملزم محمد شہزاد ہلاک ہوگیا۔
پولیس حکام کے مطابق کولیاں حبیب کے قریب ناکے کے دوران 4 نامعلوم ملزمان نے پولیس پارٹی پر فائرنگ کردی۔ پولیس کی جوابی کارروائی کے بعد علاقے میں سرچ آپریشن کیا گیا، جس کے دوران ایک ملزم زخمی حالت میں گرفتار کرلیا گیا۔
پولیس کے مطابق گرفتار زخمی ملزم کی شناخت محمد شہزاد کے نام سے ہوئی۔ ابتدائی تفتیش کے دوران ملزم نے بتایا کہ اس کے تین ساتھی، اشتہاری ملزمان شاہد اقبال، مجاہد اقبال اور زکریا بٹ بھی اس کے ساتھ موجود تھے۔
پولیس ترجمان کے مطابق محمد شہزاد کو زخمی حالت میں طبی امداد کے لیے اسپتال منتقل کیا جارہا تھا تاہم وہ راستے میں ہی دم توڑ گیا۔
پولیس کا کہنا ہے کہ ہلاک ہونے والا ملزم چند ماہ قبل فائرنگ کرکے کانسٹیبل عمر آفتاب کو شہید کرنے کے مقدمے میں مطلوب تھا۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…