داتا دربار پولیس نے کارروائی کرتے ہوئے گھروں اور دکانوں میں نقب زنی کی وارداتوں میں ملوث دو رکنی گینگ کو گرفتار کر لیا۔
پولیس کے مطابق گرفتار ملزمان رات گئے بند دکانوں اور گھروں میں اہل خانہ کی عدم موجودگی کا فائدہ اٹھاتے ہوئے نقب زنی کی وارداتیں کرتے تھے۔ ملزمان گھروں سے موبائل فونز، لوہے کی اشیا اور دیگر قیمتی گھریلو سامان چوری کرتے تھے۔
پولیس نے کارروائی کے دوران ملزمان کے قبضے سے نقب زنی میں استعمال ہونے والے آلات، 4 موبائل فونز اور غیر قانونی اسلحہ برآمد کر لیا۔
گرفتار ملزمان کی شناخت ظاہر عرف تارا اور ولید کے نام سے ہوئی ہے۔ پولیس نے ملزمان کے خلاف مقدمات درج کرکے مزید تفتیش شروع کر دی ہے۔
پولیس حکام کے مطابق گرفتار ملزمان سے دیگر وارداتوں کے حوالے سے بھی تفتیش جاری ہے، جبکہ مزید انکشافات متوقع ہیں۔
