کراچی کے نجی ہوٹل میں اچانک آگ بھڑک اٹھی. ویمنز نیشنل ون ڈے کرکٹ کپ ملتوی

کراچی کے مقامی ہوٹل میں آگ لگنے کے بعد ویمنز نیشنل ون ڈے کرکٹ کپ ملتوی کر دیا گیا ہے۔ پیر کی صبح کراچی کے ایک ہوٹل میں اچانک آگ بھڑک اٹھی تھی، جس پر فائر فائٹنگ ٹیموں نے قابو پالیا ہے۔

ذرائع کے مطابق، ویمنز نیشنل ون ڈے کپ کی تمام ٹیمیں اسی ہوٹل میں مقیم تھیں، اور کھلاڑیوں کی حفاظت اور صحت کو مدنظر رکھتے ہوئے ٹورنامنٹ کو ملتوی کرنے کا فیصلہ کیا گیا۔ کھلاڑیوں کو فوری طور پر اپنے گھروں کو واپس جانے کی ہدایت کر دی گئی ہے۔

مزید یہ کہ کراچی میں دوسرے ہوٹلز میں اس وقت اتنے کمرے دستیاب نہیں تھے کہ تمام ویمنز ٹیموں کی رہائش کا انتظام کیا جا سکے، جس کی وجہ سے ایونٹ کو ملتوی کرنے کا فیصلہ کیا گیا۔