تحریک انصاف کے 8 فروری کو مینارِ پاکستان جلسے کے معاملے پر بڑی پیشرفت

لاہور: پاکستان تحریک انصاف (PTI) کے 8 فروری کو مینارِ پاکستان میں جلسے کے لیے دائر درخواست پر اہم پیشرفت سامنے آئی ہے، عدالت نے عالیہ حمزہ کی درخواست پر آج ہی فیصلہ سنانے کا حکم دے دیا۔ لاہور ہائی کورٹ میں جسٹس فاروق حیدر کی سربراہی میں کیس کی سماعت ہوئی، جس دوران عدالت نے ڈپٹی کمشنر لاہور کو شام 5 بجے تک فیصلہ سنانے کی ہدایت جاری کر دی۔ دوران سماعت جسٹس فاروق حیدر نے کہا کہ"جی چیف سیکرٹری صاحب، کیا آپ نے دیکھا ہے کہ ان کی درخواست 29 جنوری کو موصول ہوئی؟” "اگر 8 فروری کے لیے جلسہ کرنا ہے تو انہیں تیاری کا وقت ہی نہیں ملے گا۔”

چیف سیکرٹری پنجاب اختر زمان اور ڈپٹی کمشنر لاہور عدالت میں پیش ہوئے۔ چیف سیکرٹری نے عدالت کو یقین دہانی کرائی:
"جو بھی عدالت کا حکم ہوگا، میں اس پر مکمل عملدرآمد کراؤں گا۔”اس پر جسٹس فاروق حیدر نے چیف سیکرٹری کے بیان کو "قابلِ تعریف” قرار دیتے ہوئے کہا: "ہمیں آپ سے یہی توقع ہے۔”عدالتی حکم پر ڈپٹی کمشنر لاہور بھی عدالت کے روبرو پیش ہوئے، جبکہ عدالت نے اس معاملے پر شام 5 بجے تک حتمی فیصلہ سنانے کی سختی سے ہدایت کی ہے۔