عمرکوٹ: پیپلزپارٹی کے رہنما اور رکن سندھ اسمبلی تیمور تالپور نے کہا ہے کہ نئی نہریں نکالنا مسلم لیگ (ن) کا خواب ہے جو کبھی پورا نہیں ہوگا۔ عمرکوٹ میں میڈیا سے گفتگو کرتے ہوئے تیمور تالپور نے واضح کیا کہ اگر حکومت نے نئی نہریں نکالنے کی کوشش کی تو 24 گھنٹوں میں اسے لات مار کر گرا دیا جائے گا۔
ان کا کہنا تھا کہ حکومت میں اتنی طاقت نہیں کہ پیپلزپارٹی کی مخالفت کے باوجود کینالز نکال سکے۔ کچھ سیاسی اور مذہبی جماعتیں اس منصوبے کو ضمنی انتخاب میں بطور کارڈ استعمال کر رہی ہیں۔
دوسری جانب پانی کے عالمی دن پر دریائے سندھ سے چھ نہریں نکالنے کے خلاف مزدوروں اور کسانوں کی تنظیموں نے حیدرآباد میں احتجاجی ریلی نکالی، جبکہ میرپور خاص، بدین، نواب شاہ، دادو، عمرکوٹ اور پڈعیدن میں بھی مظاہرے کیے گئے۔
