لاہور : 40 لاکھ سے زائد شہری مفت نیٹ استعمال کررہے ہیں
لاہور:سیف سٹی سینٹر کے ترجمان کے مطابق لاہور میں اب تک 40 لاکھ سے زائد شہری مفت انٹرنیٹ سروس سے فائدہ اٹھا رہے ہیں۔ یومیہ 65 ہزار افراد مفت وائی فائی سروس کا استعمال کررہے ہیں۔ سیف سٹی نیٹ ورک سائبر سکیورٹی، فائر والز اور دیگر سکیورٹی پروٹوکولز کے باعث محفوظ ہے۔
ترجمان نے مزید بیان کیا کہ لاہور میں فری وائی فائی پوائنٹس کی تعداد 200 سے بڑھا کر 450 تک بڑھایا جائے گا۔ اگلے مراحل میں فری وائی فائی پروجیکٹ کو دائرہ کار قصور، ننکانہ صاحب سمیت پنجاب کے دیگر اضلاع تک بھی بڑھایا جائے گا۔
فری وائی فائی پوائنٹس کی تنصیب عوامی مقامات، سکولز، ہسپتالوں اور پارکس کے قریب کی گئی ہے۔ شہری فری وائی فائی سروس سے ویمن سیفٹی ایپ، پنجاب پولیس ایپ اور واٹس ایپ کا استعمال کیا جا سکتا ہے۔
مفت انٹرنیٹ سروس کے ذریعے ٹیکسی رائیڈ بھی بک کرائی جا سکتی ہے، مگر فری وائی فائی ایمرجنسی سروس ویڈیو اسٹریمنگ یا تفریح کے لیے استعمال نہیں ہو سکتی۔
