ڈی چوک احتجاج میں ڈیوٹی سے انکار کرنے والے پولیس اہلکاروں کی تفصیلات سامنے آگئیں

پی ٹی آئی احتجاج کے دوران غیر حاضر رہنے والے اہلکاروں اور افسران کی برطرفی کے فیصلے کے معاملے میں اہم پیش رفت سامنے آئی ہے۔ڈی چوک احتجاج میں ڈیوٹی سے انکار کرنے والے پولیس اہلکاروں کی تفصیلات سامنے آگئیں،ڈیوٹی سے غیر حاضر رہنے والے 128 اہلکاروں کی لسٹ موصول ہو چکی ہے،احتجاج میں ڈیوٹی پر نہ پہنچنے والے اہلکاروں میں 1 انسپکٹرز اور 126 اہلکار شامل ہیں۔اے آئی جی اسٹیبلشمنٹ نے تمام زونز کو خط لکھ دیا جس کے مطابق آئی جی اسلام آباد کی ہدایت پر حالیہ لاء اینڈ آرڈر کی صورتحال میں غیر حاضر ہونے والوں کو برطرفی کی سزا دی جاسکتی ہے۔تمام ضابطہ اخلاق کو پورا کرنے کے بعد اہلکاروں کو ملازمت سے برطرف کیا جائے گا۔
میڈیا ذرائع کے مطابق اہلکار جان بوجھ کر تحریک انصاف کے احتجاج میں ڈیوٹی کرنے سے انکار کرتے ہوئے ڈیوٹی سے غیر حاضر رہے۔