حکومت کا لائف انشورنس سکیم شروع کرنے کا فیصلہ، خاندان کے سربراہ کے انتقال پر کتنی رقم ملے گی؟

حکومت کا لائف انشورنس سکیم شروع کرنے کا فیصلہ، خاندان کے سربراہ کے انتقال پر کتنی رقم ملے گی؟

پشاور:خیبر پختونخوا حکومت نے اگلے سال یکم جنوری سے لائف انشورنس سکیم شروع کرنے کا فیصلہ کر لیا۔وزیر اعلیٰ خیبر پختونخوا علی امین گنڈاپور کی زیر صدارت اجلاس میں فیصلہ کیا گیا ہے کہ خاندان سربراہ کا سرکاری ہسپتال یا صحت کارڈ پینل پر موجود ہسپتال میں انتقال پر رقم ادا کی جائے گی۔اجلاس میں فیصلہ کیا گیا کہ 60 سال عمر میں انتقال پر 10 لاکھ، اس سے اوپر کی صورت میں 5 لاکھ روپے ادا کیے جائیں گے ۔شہریوں کی لائف انشورنس پر سالانہ 4.5ارب روپے لاگت آئے گی ۔اجلاس میں وزیراعلی کو سوات میں بحرین سے چکدرہ تک پاور لائن بچھانے کے منصوبے پر بریفگ دی گئی۔ انہیں بتایا گیا کہ یہ منصوبہ 8 ارب روپے کی لاگت سے 18 مہینوں میں مکمل کیا جائے گا۔اس کے علاوہ اجلاس میں بتایا گیا کہ ٹرانسمشن لائن کے ذریعے 84 میگاواٹ مٹلتان ہائیڈرو پاور پراجیکٹ کی بجلی کا انخلا کیا جائے گا۔وزیر اعلیٰ نے پشاور ڈی آئی خان موٹر وے کیلئے زمین خریداری بھی شروع کرنے کی ہدایت کی۔