پی ٹی آئی نے آج کا جلسہ منسوخ کر دیا

عدالت میں جج موجود نہیں تھے، ہم نے یہی بہتر سجھا کہ اجازت لیکر جلسے کریں

پی ٹی آئی نے آج کا جلسہ منسوخ کر دیا
اسلام آباد: پاکستان تحریک انصاف کے چیئرمین بیرسٹر گوہر نے پارٹی راہ نمائوں کے ہمراہ پریس کانفرنس کرتے ہوئے کہا کہ ہم نے آج اسلام آباد میں ہونے والا جلسہ منسوخ کر دیا ہے۔
جلسے کی منسوخی کے اعلان کے وقت بیرسٹر گوہر کے ہمراہ پارٹی کے سینئر رہنما عمر ایوب، اسد قیصر، علی محمد خان، رئوف حسن بھی موجود تھے۔
چیئرمین پی ٹی آئی نے کہا کہ کسی ڈپٹی کمشنر یا چیف کمشنر کے کہنے سے این او سی معطل نہیں ہوتا۔ ہم نے جلسے کے لئے اسلام آباد ہائیکورٹ مین درخواست دائر کی تھی، عدالت میں ہفتے کے باعث جج موجود نہیں تھے ہم نے یہی بہتر سمجھا کہ اجازت لیکر جلسہ کریں۔
پی ٹی آئی رہنما عمر ایوب نے کہا اسلام آباد انتظامیہ کی طرف سے جلسے کی اجازت کے باوجود رات پولیس آئی اور علاقے کو سیل کر دیا۔ جس وقت ڈی سی اسلام آباد نے آرڈر سائن کیے اور اجازت دی کیا انہوں نے کوئی نشہ کیا ہوا ۔ عدالتی احکامات کے باوجود رات گئے جلسے کا سامان اٹھالیا گیا۔ جلسے کی اجازت دینے والوں نے پی ٹی آئی کارکنان کے ڈر سے این او سی منسوخ کیا۔ اظہر مشوانی کے دو بھائیوں کو بھی اٹھا لیا گیا۔ ہم پوچھیں گے ویگو ڈالے کا کتنا بجٹ ہے اور سکولوں کا کتنا بجٹ ہے۔
واضح رہے کہ اسلام آباد انتظامیہ کی طرف سے اچانک جلسے کا اجازت نامہ منسوخ ہونے پر پاکستان تحریک انصاف کی جانب سے اسلام آباد ہائی کورٹ میں توہین عدالت کی درخواست دائر کر دی گئی ہے ۔
وکیل شعیب شاہین نے دائر درخواست میں مؤقف اپنایا کہ جلسے کے این او سی کے لئے ڈپٹی کمشنر اسلام آباد سے3 جون کو رجوع کیا، عدالت کے فیصلے کی روشنی میں انتظامیہ نے 6 جولائی کا این او سی جاری کیا۔
ٹوئٹ کے ذریعے معلوم ہوا ہے کہ پی ٹی آئی کے جلسے کا این او سی منسوخ ہو گیا ہے۔ اسلام آباد ہائی کورٹ کے حکم کے باوجود جلسے کا این اوسی معطل کرنا توہین عدالت ہے۔این او سی معطل کرنے والوں کے خلاف توہین عدالت کی کارروائی عمل میں لائی جائے۔
جلسے کا اجازت نامہ منسوخ کرنے کے بعد تحریک انصاف کی اعلیٰ قیادت کا مشاورتی اجلاس خیبرپختونخوا ہاؤس میں منعقد ہوا ۔اجلاس میں فیصلہ کیا گیا ہے کہ تحریک انصاف ترنول میں آج ہر صورت جلسہ کرے گا ۔ انہوں نے بتایا کہ کارکنوں کی آمد کا سلسلہ جاری ہے۔ قافلے 3بجے کے قریب ترنول پہنچنا شروع ہو جائیں گے۔
جلسے کا اجازت نامہ منسوخ کرنے کے بعد پولیس کی بھاری نفری ترنول جلسہ گاہ پہنچی اور جلسہ گاہ خالی کروانے کے ساتھ پنڈال میں سٹیج کے لئے رکھے گئے کنٹینرز کو بھی ہٹا دیا گیا۔ پولیس کا مؤقف ہے کہ جلسے کے لئے این او سی نہیں اس لئے جگہ خالی کروائی جارہی ہے۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago