24 نومبر احتجاج: گرفتار مظاہرین جوڈیشل ریمانڈ پر جیل بھیج دیے گئے
اسلام آباد کی انسداد دہشت گردی عدالت نے 24 نومبر کو ہونے والے پاکستان تحریک انصاف (پی ٹی آئی) کے احتجاج کے دوران گرفتار کیے گئے 40 مظاہرین کو مزید جسمانی ریمانڈ دینے کی درخواست مسترد کر دی۔ عدالت نے تمام ملزمان کو جوڈیشل ریمانڈ پر جیل بھیج دیا۔
رپورٹس کے مطابق تھانہ شمس کالونی پولیس نے احتجاج کے دوران گرفتار مظاہرین کو عدالت میں پیش کیا۔ انسداد دہشت گردی عدالت کے جج طاہر عباس سپرا نے کیس کی سماعت کی۔ پولیس نے ملزمان کے مزید جسمانی ریمانڈ کی درخواست کی، لیکن ملزمان کے وکیل انصر کیانی نے اس کی مخالفت کرتے ہوئے دلائل دیے کہ تمام گرفتار افراد مزدور طبقے سے تعلق رکھتے ہیں اور انہیں گھروں سے اٹھایا گیا ہے۔ انہوں نے مزید کہا کہ ان مقامات کی ویڈیوز بھی موجود ہیں جہاں سے ملزمان کو حراست میں لیا گیا۔
جج نے دونوں فریقین کے دلائل سننے کے بعد پولیس کی درخواست مسترد کر دی اور تمام گرفتار مظاہرین کو جوڈیشل ریمانڈ پر جیل منتقل کرنے کا حکم دے دیا۔
واضح رہے کہ 24 نومبر کو پی ٹی آئی نے پشاور سے اسلام آباد تک احتجاجی مارچ کا انعقاد کیا تھا، جس دوران سیکیورٹی اہلکاروں کے ساتھ تصادم ہوا۔ مظاہرین کو منتشر کرنے کے دوران دو پولیس اہلکار شہید اور متعدد زخمی ہو گئے تھے۔ پولیس نے مظاہرین کو اسلام آباد کی حدود سے باہر نکال دیا تھا۔
پی ٹی آئی رہنماؤں نے پولیس پر براہ راست فائرنگ کرنے کا الزام لگایا اور کئی کارکنوں کی ہلاکت کا دعویٰ کیا، لیکن ان الزامات کے حق میں کوئی ٹھوس ثبوت پیش نہیں کیا گیا۔ پولیس نے مظاہرین کے خلاف مختلف مقدمات درج کیے اور سیکڑوں افراد کو گرفتار کر کے عدالتوں میں پیش کیا۔
لاہور ہائیکورٹ کے جسٹس راحیل کامران شیخ نے عہدے سے استعفیٰ دے دیا۔ جسٹس راحیل کامران شیخ 7 مئی 2021…
مریم نواز کی زیر صدارت اجلاس میں طلبہ کیلئے ماہانہ 3 ہزار روپے قسط پر ای بائیک دینے کی تجویز…
لاہور ہائیکورٹ کے جسٹس راحیل کامران شیخ نے استعفے سے قبل اپنا آخری فیصلہ جاری کردیا، فیصلہ سگریٹ، پان اور…
لاہور: این سی سی آئی اے نے اداکارہ مومنہ اقبال کو ہراساں کرنے اور دھمکیاں دینے کے کیس میں (ن)…
پاک فوج کے شعبہ تعلقات عامہ (آئی ایس پی آر) کے مطابق فتنۃ الخوارج کے دہشتگردوں نے پاک افغان سرحد…
این سی سی آئی اے کے مطابق نئے ڈیجیٹل شواہد کی بنیاد پر اداکارہ مومنہ اقبال اور ایم پی اے…