اسموگ کی صورتحال میں بہتری۔ مختلف اضلاع میں تعلیمی ادارے کل سے کھولنے کا فیصلہ

 اسموگ کی صورتحال میں بہتری کے بعد پنجاب کے مختلف اضلاع میں تعلیمی ادارے کل سے کھولنے کا فیصلہ کیا گیا ہے۔ محکمہ تعلیم نے اس حوالے سے اعلامیہ جاری کیا ہے کہ اسموگ میں کمی آنے کے بعد اسکولوں اور کالجوں کو دوبارہ کھولنے کا فیصلہ کیا گیا ہے۔ اس حوالے سے راولپنڈی، جہلم، اٹک، اور چکوال میں اسکولوں کے کھلنے کے لیے نوٹیفکیشن جاری کیا گیا ہے۔

یہ فیصلہ حکام کی جانب سے اسموگ کی صورتحال کا جائزہ لے کر کیا گیا ہے، اور تعلیمی اداروں میں احتیاطی تدابیر پر بھی زور دیا گیا ہے تاکہ کسی بھی غیر متوقع صورت حال سے بچا جا سکے۔