سابق وفاقی وزیر فواد چودھری کا 55 حلقوں سے متعلق بڑا دعویٰ

سابق وفاقی وزیر فواد چودھری کا 55 حلقوں سے متعلق بڑا دعویٰ

اسلام آباد:سابق وفاقی وزیر فواد چودھری نے دعویٰ کیا ہے کہ 55 حلقے کھلنے جا رہے ہیں اور 45 دنوں میں نمبر گیم چینچ ہو جائے گا۔ایک انٹرویو میں انہوںنے انکشاف کیا کہ مسلم لیگ (ن) نے سابق ڈی جی آئی ایس آئی کے ذریعے چیف الیکشن کمشنر لگوایا۔

انہوںنے کہا کہ 2018 کا الیکشن دھاندلی زدہ نہیں بلکہ منیج کیاگیا تھا۔انہوں نے انکشاف کیا کہ سابق آرمی چیف قمر جاوید باجوہ نے ایک توسیع پی ٹی آئی سے لی جبکہ دوسری مسلم لیگ (ن) سے لینا چاہتے تھے۔

سابق وفاقی وزیر نے کہا کہ 2019 میں جب نواز شریف کو باہر بھیجا گیا تو مجھے لگا دوسری طرف کام شروع ہوگیا ہے، سارے مسائل کا حل گرینڈ ڈائیلاگ ہے، مسلم لیگ (ن) اور پیپلز پارٹی ایک حقیقت ہیں ان سے بات کرنی پڑے گی۔انٹرویو کے دوران ایک سوال کے جواب میں فواد چودھری نے کہا کہ میں نے جاتے ہی پاؤں پکڑ لئے اور معافی مانگ لی اس لیے پریس کانفرنس نہیں کرنی پڑی۔