9 مئی کے وعدہ معاف گواہ واثق قیوم اور عمر تنویر منحرف
9 مئی کے وعدہ معاف گواہ واثق قیوم اور عمر تنویر منحرف
راولپنڈی:9 مئی سانحہ کے سلسلے میں راولپنڈی میں درج 14 مقدمات میں سابق ڈپٹی اسپیکر پنجاب اسمبلی واثق قیوم عباسی اور رکن صوبائی اسمبلی عمر تنویر بٹ نے سابق وزیر اعظم عمران خان اور بشریٰ بی بی کے خلاف وعدہ معاف گواہ اور اعترافی جرم کے بیانات کی تردید کر دی ہے۔
عدالت میں اپنے بیانات کے دوران، دونوں نے کہا کہ انہوں نے کبھی بھی اعترافی بیان نہیں دیا، اور پولیس کے موقف کو جھوٹا قرار دیا۔ ان کا کہنا ہے کہ بانی چیئرمین عمران خان نے ہمیشہ پرامن احتجاج کی ہدایت دی ہے۔ دونوں نے عدم ثبوت کی بنیاد پر بری کرنے کی درخواستیں بھی دائر کر دی ہیں۔
آج انسداد دہشت گردی کی خصوصی عدالت کے جج ملک اعجاز آصف کے سامنے واثق قیوم عباسی اور عمر تنویر بٹ پیش ہوئے۔ انہوں نے اعترافی بیان کی تردید کرتے ہوئے بیان دیا کہ انہوں نے عمران خان اور بشریٰ بی بی کے خلاف وعدہ معاف گواہ بن کر کوئی ایسا بیان کسی مجسٹریٹ کے سامنے یا تحریری طور پر نہیں دیا۔
دونوں نے عدالت کو آگاہ کیا کہ بانی پی ٹی آئی عمران خان نے ہمیشہ پرامن جدوجہد کرنے کی تعلیم دی، ان کے خلاف سنگین نوعیت کے الزامات کی کوئی حقیقت نہیں۔
فیصل ملک ایڈووکیٹ کی جانب سے دائر کردہ درخواست عدالت نے تمام مقدمات کے ریکارڈ کا حصہ بنا دی ہے۔ بانی پی ٹی آئی کی اہلیہ بشریٰ بی بی کو انہی بیانات کی بنیاد پر 9 مئی کے کیسز میں نامزد کیا گیا تھا۔
عدالت نے دونوں کی جانب سے دائر عدم ثبوت پر بری کرنے کی درخواستوں کو سماعت کے لیے منظور کرتے ہوئے نوٹس جاری کر دیے ہیں۔
عام طور پر کتوں کو وفاداری کی علامت سمجھا جاتا ہے، لیکن جنوبی امریکی ملک بولیویا میں ایک مرغے…
لاہور میں انسولین کے بعد انفلوئنزا (فلو) سے بچاؤ کی ویکسین بھی مارکیٹ سے غائب ہوگئی، جبکہ دستیاب ویکسین…
کیا آپ جانتے ہیں کہ دنیا کی سب سے طویل ٹرین کس ملک سے تعلق رکھتی ہے؟ جنوبی افریقا…
ایپل نے رواں سال اسٹینڈرڈ آئی فون 18 اور آئی فون ایئر 2 متعارف نہیں کرائے، تاہم نئی لیک…
ملتان: 15 سالہ وسیم عباس کی کار سے کچلے جانے کے بعد غیر رجسٹرڈ یتیم خانے کے خلاف کارروائی ملتان…
کراچی: ایچ آئی وی سے متاثرہ 157 بچوں کی ماؤں کو ماہانہ 40 ہزار روپے امداد دینے کا عمل شروع…