ڈیجیٹل دور میں جعلی خبروں اور غلط معلومات کے خطرات موجود ہیں:آرمی چیف
ڈیجیٹل دور میں جعلی خبروں اور غلط معلومات کے خطرات موجود ہیں:آرمی چیف
راولپنڈی: آرمی چیف جنرل سید عاصم منیر نے ہاورڈ بزنس سکول کے 44 رکنی طلبہ کے وفد سے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق، آرمی چیف جنرل سید عاصم منیر اور ہاورڈ بزنس سکول کے وفد کے درمیان ملاقات ہوئی جس میں پاکستان کے مختلف معاملات پر تبادلہ خیال کیا گیا۔
آئی ایس پی آر نے بتایا کہ اس ملاقات کے دوران آرمی چیف نے تعلیم اور مثبت سوچ کی اہمیت پر زور دیا، اور موجودہ سکیورٹی چیلنجز کے تناظر میں پاکستان کے وسیع پوٹینشل پر بات کی۔ انہوں نے وفد کو مشورہ دیا کہ وہ اپنی ذاتی تجربات کی بنیاد پر رائے قائم کریں۔
ملاقات کے دوران پاکستان کے علاقائی امن و استحکام میں کردار پر بھی بات چیت کی گئی۔ آرمی چیف نے دہشتگردی کے خلاف پاکستان کے اقدامات اور جمہوری اقدار کے فروغ کے عزم کے بارے میں آگاہی فراہم کی، اور عصری سکیورٹی چیلنجز سے نمٹنے کے لیے تعلیم اور تعمیری سوچ کو اپنانے کی ضرورت پر زور دیا۔
آرمی چیف نے پاکستان میں موجود مواقعوں کے بارے میں بھی گفتگو کی اور کہا کہ ڈیجیٹل دور میں جعلی خبروں اور غلط معلومات کے خطرات موجود ہیں۔ انہوں نے طلبہ کو تعمیری انداز میں معاملات کا جائزہ لینے کی تلقین کی۔
آئی ایس پی آر کے مطابق، ہاورڈ بزنس سکول کے طلبہ نے آرمی چیف کا شکریہ ادا کیا اور اس تعمیری مکالمے کی تعریف کی۔
مزید یہ کہ آئی ایس پی آر نے بتایا کہ ہاورڈ یونیورسٹی کے طلبہ کی یہ ملاقات 20 اگست کو مختلف طلبہ سے رابطوں کی ایک کڑی تھی، جس کا مقصد نوجوان نسل کو حالات سے آگاہ کرنا تھا۔
عام طور پر کتوں کو وفاداری کی علامت سمجھا جاتا ہے، لیکن جنوبی امریکی ملک بولیویا میں ایک مرغے…
لاہور میں انسولین کے بعد انفلوئنزا (فلو) سے بچاؤ کی ویکسین بھی مارکیٹ سے غائب ہوگئی، جبکہ دستیاب ویکسین…
کیا آپ جانتے ہیں کہ دنیا کی سب سے طویل ٹرین کس ملک سے تعلق رکھتی ہے؟ جنوبی افریقا…
ایپل نے رواں سال اسٹینڈرڈ آئی فون 18 اور آئی فون ایئر 2 متعارف نہیں کرائے، تاہم نئی لیک…
ملتان: 15 سالہ وسیم عباس کی کار سے کچلے جانے کے بعد غیر رجسٹرڈ یتیم خانے کے خلاف کارروائی ملتان…
کراچی: ایچ آئی وی سے متاثرہ 157 بچوں کی ماؤں کو ماہانہ 40 ہزار روپے امداد دینے کا عمل شروع…