پی ٹی آئی کے جاری احتجاج کے حوالے سے عمران خان سے مشاورت جاری، مختلف آپشنز پر غور

پاکستان تحریک انصاف کے قافلے اسلام آباد کی جانب گامزن ہیں۔پی ٹی آئی کے متعدد رہنما قافلوں کی صورت میں شہر اقتدار کی جانب بڑھ رہے ہیں۔وزیراعلی خیبر پختون خواہ علی امین گنڈا پور کی قیادت میں ایک بڑا قافلہ اسلام آباد کی جانب رواں دواں ہے۔عمران خان کی اہلیہ بشری بی بی بھی ہمراہ ہیں۔بشری بی بی نے راستے میں کارکنان سے خطاب بھی کیا۔قافلوں میں صوبائی وزرا اور ورکرز کی بڑی تعداد شامل ہے۔بشری بی بی نے کارکنان سے خطاب کرتے ہوئے کہا کہ ہم عمران خان کی رہائی تک اسلام آباد میں ہی رہیں گے۔حکومت نے پی ٹی آئی کے احتجاج کو روکنے کے لیے سخت انتظامات کر رکھے ہیں۔میڈیا ذرائع کے مطابق پی ٹی آئی کے جاری احتجاج کے حوالے سے بانی پی ٹی آئی سے مشاورت جاری ہے۔بانی پی ٹی آئی کی ہدایت پر احتجاج کی اگلی حکمت عملی کے حوالے سے مشاورت کی جائے گی،اڈیالہ جیل میں جاری ملاقات میں احتجاج کو ختم کرنے سمیت دیگر آپشن پر بھی غور جاری ہے۔