ہنزہ، اسکردو، مری اور گلیات میں شدید برفباری، متعدد رابطہ سڑکیں بند

ماہِ مقدس کے آغاز کے ساتھ ہی ملک کے بالائی علاقوں میں شدید برفباری اور بارشوں کا سلسلہ شروع ہوگیا ہے، جس کے نتیجے میں ہنزہ، اسکردو، دیامر، لوئر دیر، ایبٹ آباد، مری اور گلیات میں متعدد رابطہ سڑکیں بند ہوگئیں، جبکہ سردی کی شدت میں مزید اضافہ ہو گیا۔

سوات کے میدانی علاقوں میں بارش اور بالائی علاقوں میں برفباری کا سلسلہ جاری ہے۔ مالم جبہ، کالام، اتروڑ، اور گبرال میں وقفے وقفے سے برفباری ہو رہی ہے، جس کے باعث شدید سردی کا راج ہے۔ شدید برفباری کے سبب کالام مہوڈھنڈ روڈ آمد و رفت کے لیے بند ہو چکا ہے، جس سے مقامی افراد کو سفری مشکلات کا سامنا ہے۔

مری اور گلیات میں وقفے وقفے سے برفباری اور بارش کا سلسلہ جاری ہے، جس سے مال روڈ، کشمیر پوائنٹ، کلڈنہ، جھیکا گلی، اور کالی مٹی سمیت دیگر علاقوں میں سردی کی شدت میں اضافہ ہوگیا ہے۔ ڈپٹی کمشنر مری آغا ظہیر عباس نے بتایا کہ برفباری کے بعد مختلف شاہراہوں پر نمک کا چھڑکاؤ کیا جا رہا ہے، جبکہ سیاحوں کی سہولت کے لیے رہنمائی مراکز مکمل طور پر فعال ہیں۔

آزاد کشمیر کے اپر نیلم، لوات بالا، اور شاردہ میں بھی برفباری ریکارڈ کی گئی ہے۔ جاگراں ویلی میں ایک گلیشیئر گرنے سے درجنوں مکانات کو نقصان پہنچا، جس کے باعث مقامی افراد کو مشکلات کا سامنا ہے۔ بلوچستان کے زیارت، کان مہترزئی، اور توبہ اچکزئی میں بھی برفباری ہوئی، جبکہ چمن، قلعہ عبداللہ اور دیگر علاقوں میں موسلادھار بارش ہوئی۔ محکمہ موسمیات نے خبردار کیا ہے کہ بلوچستان میں غیرمعمولی سردی کی لہر داخل ہونے کا امکان ہے، جس سے درجہ حرارت مزید کم ہونے کا خدشہ ہے۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago