بلوچ لبریشن آرمی (BLA) کا جعفر ایکسپریس پر حملہ. کلیئرنس آپریشن جاری

بلوچستان کے ضلع سبّی میں درۂ بولان کے قریب نامعلوم مسلح افراد نے کوئٹہ سے پشاور جانے والی جعفر ایکسپریس پر حملہ کر دیا اور متعدد مسافروں کو یرغمال بنا لیا۔ شدت پسند تنظیم بلوچ لبریشن آرمی (بی ایل اے) نے اس حملے کی ذمہ داری قبول کر لی ہے۔

بی ایل اے کے بیان کے مطابق، چھ پاکستانی فوجی اس وقت مارے گئے جب انہوں نے ہائی جیکنگ کی مزاحمت کی۔ اطلاعات کے مطابق، خواتین، بچوں اور عام شہریوں کو رہا کر دیا گیا ہے، جب کہ گروہ کا کہنا ہے کہ ان کے قبضے میں صرف فوجی اہلکار ہیں۔

ریلوے حکام کے مطابق ٹرین میں 400 سے زائد مسافر سوار تھے، جن میں عورتیں اور بچے بھی شامل ہیں۔ مسلح افراد نے ڈھاڈر کے قریب ٹرین کو روکا اور ایک سرنگ کے قریب یرغمالیوں کو قید کر لیا۔ عسکری ذرائع کے مطابق حملے کے فوراً بعد سیکیورٹی فورسز نے علاقے کا محاصرہ کر لیا اور کلیئرنس آپریشن جاری ہے۔ کوئٹہ سے ہیلی کاپٹرز بھی روانہ کر دیے گئے ہیں تاکہ صورتحال کا جائزہ لیا جا سکے۔

یہ چند ماہ کے دوران جعفر ایکسپریس پر دوسرا بڑا حملہ ہے۔ اس سے قبل نومبر 2024 میں کوئٹہ ریلوے اسٹیشن پر دھماکہ ہوا تھا، جس میں 26 افراد ہلاک اور 62 زخمی ہوئے تھے۔ ریلوے حکام کے مطابق حملے کی جگہ پر موبائل اور ٹیلی فون نیٹ ورک دستیاب نہ ہونے کے باعث ٹرین عملے سے براہ راست رابطہ ممکن نہیں۔ سیکیورٹی فورسز نے واضح کیا ہے کہ شدت پسندوں کے خلاف آپریشن جاری رہے گا اور یرغمالیوں کو بحفاظت بازیاب کرانے کے لیے ہر ممکن اقدامات کیے جا رہے ہیں۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago