اسلام آباد (14 مارچ): جرمنی سے جدید ٹیکنالوجی کے حامل پرنٹرز پاسپورٹ ہیڈ کوارٹرز میں پہنچا دیے گئے، جو پاسپورٹ پرنٹنگ کے عمل میں مزید تیزی اور بہتری لائیں گے۔ نئے پرنٹرز میں دو جدید ای پرنٹرز اور چھ ڈیسک ٹاپ پرنٹرز شامل ہیں، جبکہ ان کی انسٹالیشن کے لیے غیر ملکی تکنیکی ماہرین کی ٹیم بھی پاکستان پہنچ چکی ہے۔
ڈی جی پاسپورٹس مصطفی جمال قاضی نے ای پرنٹرز سیکشن کا دورہ کیا اور پرنٹرز کی انسٹالیشن کے عمل پر بریفنگ لی۔ بتایا گیا کہ غیر ملکی ماہرین جلد انسٹالیشن مکمل کر لیں گے۔ یہ جدید پرنٹرز ایک گھنٹے میں ایک ہزار پاسپورٹس پرنٹ کرنے کی صلاحیت رکھتے ہیں۔ نئی ٹیکنالوجی کی مدد سے پاسپورٹ کے پرنٹنگ معیار میں نمایاں بہتری آئے گی۔
ڈی جی پاسپورٹس مصطفی جمال قاضی نے اعلان کیا کہ اپریل میں مزید جدید ای پرنٹرز پاکستان پہنچیں گے، جس سے پاسپورٹ پرنٹنگ کا عمل مزید تیز اور مؤثر ہو جائے گا۔ ان جدید پرنٹرز کے آنے سے پرنٹنگ کا معیار مزید بہتر ہوگا اور پاسپورٹ زیادہ تعداد میں تیزی سے پرنٹ کیے جا سکیں گے. اس سے پاسپورٹس کے اجراء میں تاخیر کم ہوگی۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…