وفاقی کابینہ کی وزارت سائنس و ٹیکنالوجی کے 6ادارے بند، 4 کے انضمام کی منظوری

چھ ادارے کم افرادی قوت کے ساتھ برقرار رکھنے کا فیصلہ کیا گیا ہے

اسلام آباد: وفاقی کابینہ نے وزارت سائنس و ٹیکنالوجی کے چھ اداروں کو بند کرنے اور چار کو باہم ضم کرنے کی منظوری دے دی ہے۔
ذرائع کے مطابق چھ ادارے کم افرادی قوت کے ساتھ برقرار رکھنے کا فیصلہ کیا گیا ہے، جبکہ مختلف اداروں کی رائٹ سائزنگ کے حوالے سے عملدرآمد کا پلان 20 جنوری تک شیئر کرنے کے احکامات جاری کیے گئے ہیں۔
حکومتی ذرائع کا کہنا ہے کہ نسٹ کے معیار کو بہتر بناتے ہوئے دنیا کی 100 بہترین جامعات میں جگہ بنانے کا پلان پیش کرنے کی ہدایت کی گئی ہے۔ اسی طرح نیشنل یونیورسٹی آف ٹیکنالوجی کو پانچ سال کے اندر خود کفیل بننے کا منصوبہ فراہم کرنے کا حکم دیا گیا ہے۔
مزید برآں، کونسل فار ورکس اینڈ ہاؤسنگ ریسرچ اور پاکستان کونسل فار سائنس اینڈ ٹیکنالوجی کو بند کرنے کی تجویز دی گئی ہے۔ پاکستان کونسل فار رینیوایبل انرجی ٹیک کو نیشنل انسٹی ٹیوٹ آف الیکٹرانکس اور دیگر متعلقہ اداروں کے ساتھ انضمام کی تجویز دی گئی ہے۔
پاکستان اسٹینڈرڈز اینڈ کوالٹی کنٹرول اتھارٹی اور پاکستان انجینئرنگ کونسل کو ڈیجیٹائز کرنے کا منصوبہ پیش کیا گیا ہے۔ پاکستان حلال اتھارٹی اور پاکستان کونسل فار سائنٹفک اینڈ انڈسٹریل ریسرچ کی کارکردگی جانچنے کے لیے تھرڈ پارٹی سے جائزہ لینے کی سفارش کی گئی ہے، جبکہ وزارت سائنس و ٹیکنالوجی کے عملے کی شرح میں نصف تک کمی کی تجویز بھی شامل ہے۔

 

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago