ایک سے زیادہ دروازوں سے بات چیت کامیاب نہیں ہوتی، عرفان صدیقی
مسلم لیگ (ن) کے سینیٹر عرفان صدیقی نے تحریک انصاف کے رہنما بیرسٹر علی گوہر کی آرمی چیف جنرل عاصم منیر سے ملاقات پر ردعمل دیتے ہوئے کہا ہے کہ انہیں اس ملاقات کی پوری تفصیل معلوم ہے۔ ان کا کہنا تھا کہ ایک سے زیادہ دروازوں سے مذاکرات کامیاب نہیں ہو سکتے۔
عرفان صدیقی نے سماجی رابطے کی ویب سائٹ ایکس پر اپنے بیان میں کہا کہ اگر تحریک انصاف کے رہنما علی گوہر، علیمہ خان اور عمران خان اس ملاقات کو خوش آئند سمجھتے ہیں، تو انہیں اپنی مذاکراتی ٹیم کو بتانا چاہیے کہ وہ جس دروازے کی تلاش میں تھے، وہ اب کھل چکا ہے۔
انہوں نے مزید کہا کہ اب چھوٹے دروازوں یا کھڑکیوں کی طرف دیکھنے کی ضرورت نہیں، کیونکہ اب مذاکرات براہِ راست اعلیٰ فوجی قیادت سے ہو رہے ہیں۔
چند روز قبل بیرسٹر علی گوہر نے اڈیالہ جیل کے باہر میڈیا سے گفتگو میں انکشاف کیا تھا کہ ان کی اور علی امین گنڈا پور کی آرمی چیف سے ملاقات ہوئی ہے۔ انہوں نے بتایا کہ یہ ملاقات عمران خان کی ہدایت پر ہوئی اور آرمی چیف کے سامنے تمام معاملات رکھے گئے ہیں۔
بیرسٹر گوہر نے کہا کہ یہ ملاقات تحریک انصاف کے لیے خوش آئند ہے اور اس سے ملکی استحکام کی راہ ہموار ہو سکتی ہے۔ انہوں نے مزید کہا کہ ان کے دروازے بات چیت کے لیے ہمیشہ کھلے تھے، لیکن اب دوسری جانب سے بھی بات چیت کا آغاز ہوا ہے، جو ایک مثبت قدم ہے۔
تحریک انصاف نے مذاکرات میں اپنے دو مطالبات پیش کیے ہیں: ایک عدالتی کمیشن کا قیام اور دو واقعات کی شفاف تحقیقات۔ بیرسٹر گوہر نے کہا کہ تحریک انصاف کی یہ بات چیت ملکی استحکام کے لیے بہت اہم ہے اور عمران خان بھی اس پر مطمئن ہیں
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…