پشاور ہائیکورٹ نے پی ٹی آئی رہنما عمر ایوب کی مختلف مقدمات میں 35 دنوں کے لیے حفاظتی ضمانت منظور کرلی۔ 2 رکنی بینچ (جسٹس صاحبزادہ اسد اللہ اور جسٹس عبدالفیاض) نے عمر ایوب کی حفاظتی ضمانت اور مقدمات کی تفصیلات سے متعلق درخواست پر سماعت کی۔ اسسٹنٹ اٹارنی جنرل نے عدالت کو آگاہ کیا کہ: ایف آئی اے کے پاس عمر ایوب کے خلاف کوئی انکوائری نہیں جبکہ اسلام آباد پولیس کے پاس 8 ایف آئی آرز درج ہیں۔
پشاور ہائیکورٹ نے عمر ایوب کو35 دنوں کی حفاظتی ضمانت دی اور متعلقہ عدالتوں میں پیش ہونے کا حکم جاری کرتے ہوئے درخواست نمٹا دی۔ عمر ایوب نے ردعمل: "میرے خلاف 70 سے زیادہ مقدمات درج ہوچکے ہیں۔”
