اسلام آباد: پاکستان کے سابق وزیر اعظم ذوالفقار علی بھٹو کو ملک کے سب سے بڑے سول اعزاز نشانِ پاکستان سے نوازا گیا۔
ایوانِ صدر میں منعقدہ اعلیٰ ترین سول ایوارڈز کی تقریب میں ذوالفقار علی بھٹو کی بیٹی صنم بھٹو نے یہ ایوارڈ وصول کیا، جبکہ اس موقع پر ان کی نواسی آصفہ بھٹو زرداری بھی موجود تھیں۔تقریب میں مختلف شعبہ ہائے زندگی میں نمایاں خدمات انجام دینے والی دیگر شخصیات کو بھی سول اعزازات سے نوازا گیا۔
