اسلام آباد: حکومت اور اپوزیشن کے باہمی مشورے سے پاکستان تحریک انصاف (پی ٹی آئی) کے رکن جنید اکبر خان کو قومی اسمبلی کی پبلک اکاؤنٹس کمیٹی (پی اے سی) کا بلا مقابلہ چیئرمین منتخب کر لیا گیا۔
پبلک اکاؤنٹس کمیٹی کا اجلاس اسپیشل سیکریٹری محمد مشتاق کی سربراہی میں منعقد ہوا۔ اجلاس میں حکومتی جماعت مسلم لیگ (ن) کے رہنما ڈاکٹر طارق فضل چوہدری، اپوزیشن لیڈر عمر ایوب اور شبلی فراز نے جنید اکبر خان کے نام کی تجویز دی۔
مسلم لیگ (ن) کے سینیٹر افنان اللہ خان اور قاسم نون سمیت دیگر ارکان نے بھی جنید اکبر کے نام کی حمایت کی۔ پی ٹی آئی کے ریاض فتیانہ اور مسلم لیگ (ن) کے تمام اراکین نے اس فیصلے کی تائید کی، جس کے نتیجے میں جنید اکبر کو بلا مقابلہ چیئرمین منتخب کیا گیا۔
منتخب ہونے کے بعد جنید اکبر نے تمام اراکین کا شکریہ ادا کیا اور کہا کہ وہ ہمیشہ یہ چاہتے تھے کہ شیخ وقاص اکرم چیئرمین پی اے سی بنیں۔ انہوں نے کہا کہ 11 سال سے اسمبلی کے رکن ہونے کے باوجود پی اے سی میں کام کرنے کا ان کا یہ پہلا تجربہ ہے۔
انہوں نے یقین دلایا کہ ساتھی اراکین کی مدد سے وہ اپنی ذمہ داریاں بہترین انداز میں ادا کرنے کی کوشش کریں گے۔ جنید اکبر نے کہا کہ وہ اپنی جماعت اور قیادت کے شکر گزار ہیں اور دی گئی ذمہ داری کو خوش اسلوبی سے نبھانے کی پوری کوشش کریں گے۔
حکومت اور پی ٹی آئی کے درمیان چیئرمین پی اے سی کے لیے شیخ وقاص اکرم کے بجائے جنید اکبر کے نام پر اتفاق ہوا۔ تحریک انصاف کی جانب سے نئے پینل میں شیخ وقاص اکرم کا نام نکال کر عادل بازئی کو شامل کیا گیا تھا، تاہم بعد ازاں دونوں جماعتوں نے جنید اکبر کے نام پر اتفاق کر لیا۔
اسپیکر قومی اسمبلی نے اپوزیشن کو چیئرمین پی اے سی کے انتخاب سے متعلق آگاہ کیا تھا اور ارکان کو اسلام آباد میں موجود رہنے کی ہدایت دی تھی۔ مشاورت مکمل ہونے کے بعد پی اے سی کا اجلاس منعقد کیا گیا، جہاں جنید اکبر خان کو متفقہ طور پر چیئرمین منتخب کیا گیا۔
عام طور پر کتوں کو وفاداری کی علامت سمجھا جاتا ہے، لیکن جنوبی امریکی ملک بولیویا میں ایک مرغے…
لاہور میں انسولین کے بعد انفلوئنزا (فلو) سے بچاؤ کی ویکسین بھی مارکیٹ سے غائب ہوگئی، جبکہ دستیاب ویکسین…
کیا آپ جانتے ہیں کہ دنیا کی سب سے طویل ٹرین کس ملک سے تعلق رکھتی ہے؟ جنوبی افریقا…
ایپل نے رواں سال اسٹینڈرڈ آئی فون 18 اور آئی فون ایئر 2 متعارف نہیں کرائے، تاہم نئی لیک…
ملتان: 15 سالہ وسیم عباس کی کار سے کچلے جانے کے بعد غیر رجسٹرڈ یتیم خانے کے خلاف کارروائی ملتان…
کراچی: ایچ آئی وی سے متاثرہ 157 بچوں کی ماؤں کو ماہانہ 40 ہزار روپے امداد دینے کا عمل شروع…