اسلام آباد: وزیراعظم شہباز شریف نے کہا ہے کہ معاشی حالات میں بہتری کے لیے سیاسی اور عسکری قیادت کے درمیان باہمی تعاون انتہائی اہم ہے۔

پاکستان اسٹاک ایکسچینج کی تقریب سے ویڈیو لنک کے ذریعے خطاب کرتے ہوئے وزیراعظم شہباز شریف نے کہا کہ مختلف صنعتوں کو سبسڈی اور ٹیرف میں ریلیف فراہم کیا گیا ہے، تاہم معیشت کی مزید بہتری کے لیے اصلاحات کا عمل جاری رکھنا ہوگا۔

وزیراعظم نے کہا کہ پاکستان کو معیشت میں برآمدات پر مبنی نمو حاصل کرنا ہوگی، جبکہ صنعت کاری اور برآمدات کے فروغ پر خصوصی توجہ دینا ناگزیر ہے۔

ان کا کہنا تھا کہ عالمی مالیاتی فنڈ (آئی ایم ایف) کے حکام بھی پاکستان کی معاشی پیشرفت کا اعتراف کر رہے ہیں۔ معاشی استحکام کے سفر میں سیاسی اور عسکری قیادت کا باہمی تعاون اہم کردار ادا کر رہا ہے۔

وزیراعظم شہباز شریف نے مزید کہا کہ فیلڈ مارشل سید عاصم منیر نے معاشی استحکام کے سفر میں نمایاں کردار ادا کیا ہے۔