اسلام آباد: وفاقی وزیر برائے مذہبی امور سردار محمد یوسف نے کہا ہے کہ حج کے عمل کو مکمل ڈیجیٹائز کردیا گیا ہے، اب عازمین حج گھر بیٹھے درخواستیں جمع کراسکیں گے۔
اسلام آباد میں پریس کانفرنس کرتے ہوئے سردار محمد یوسف نے کہا کہ حج کے عمل کو ڈیجیٹائز کرنے کا مقصد عازمین کو انتظار اور طویل قطاروں کی زحمت سے بچانا ہے۔
انہوں نے بتایا کہ 4 لاکھ رجسٹرڈ عازمین گھر بیٹھے درخواستیں جمع کراسکیں گے، جبکہ حج اخراجات کی ادائیگی کے لیے 3 آپشنز دستیاب ہوں گے۔ عازمین کریڈٹ کارڈ یا پی ایس آئی ڈی کے ذریعے ادائیگی کرسکیں گے، جبکہ چالان فارم پرنٹ کرکے نقد رقم بھی جمع کرائی جاسکے گی۔
وفاقی وزیر کے مطابق سرکاری حج اسکیم کے تحت 1 لاکھ 7 ہزار 526 عازمین کا کوٹہ مختص ہے۔ پہلی قسط کی وصولی 17 اگست سے شروع ہوگی جبکہ حج اخراجات کی دوسری قسط اکتوبر میں وصول کی جائے گی۔
سردار محمد یوسف نے کہا کہ درخواستیں پہلے آئیے، پہلے پائیے کی بنیاد پر وصول کی جائیں گی اور کوٹہ مکمل ہوتے ہی درخواستوں کی وصولی روک دی جائے گی۔
انہوں نے مزید بتایا کہ نجی حج اسکیم کے عازمین بھی پاک حج ایپ کے ذریعے پرائیویٹ آپریٹر کا انتخاب کرسکیں گے۔ وفاقی وزیر نے عازمین کو ہدایت کی کہ وہ پرائیویٹ آپریٹر کو براہ راست رقم جمع نہ کرائیں۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…