اسلام آباد: پاکستان نے بین الاقوامی تیل فراہم کرنے والوں کو ملک میں پیٹرولیم مصنوعات درآمد کرکے کسٹمز باؤنڈڈ اسٹوریج میں رکھنے، مقامی آئل مارکیٹنگ کمپنیوں اور ریفائنریز کو فروخت کرنے یا دوبارہ برآمد کرنے کی اجازت دینے کے لیے نیا پالیسی فریم ورک متعارف کرانے کا فیصلہ کرلیا۔
نئے پالیسی فریم ورک کا مقصد غیر ملکی تیل سپلائرز کو پاکستان کی مارکیٹ کی جانب راغب کرنا اور ملک کے توانائی کے سکیورٹی بفر کو مضبوط بنانا ہے۔
کسٹمز باؤنڈڈ اسٹوریج کے ذریعے درآمدی پالیسی 2026 کے تحت غیر ملکی سپلائرز کے لیے نئے ضوابط متعارف کرائے گئے ہیں۔ گائیڈ لائنز کے مطابق بین الاقوامی سپلائرز ملکی ڈیوٹیز اور ٹیکسز فوری طور پر ادا کیے بغیر پاکستان میں پیٹرولیم مصنوعات کا اسٹاک برقرار رکھ سکیں گے۔
نئے فریم ورک کے تحت سپلائرز کو یہ لچک بھی حاصل ہوگی کہ وہ اپنی مصنوعات مقامی مارکیٹ میں آئل مارکیٹنگ کمپنیوں اور ریفائنریز کو فراہم کریں یا ضرورت کے مطابق انہیں دوبارہ برآمد کرسکیں۔
حکام کے مطابق پالیسی کا بنیادی مقصد پاکستان میں تیل کی دستیابی کو مستحکم کرنا، سپلائی کے متبادل ذرائع پیدا کرنا اور توانائی کے شعبے میں ملک کی سکیورٹی کو مزید مضبوط بنانا ہے۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…