ملتان کی پروازوں میں ریکارڈ اضافہ، ایک روز میں 37 فلائٹس آپریٹ
ملتان: جنوبی پنجاب کے مرکزی شہر ملتان کی پروازوں میں ریکارڈ اضافہ دیکھنے میں آیا ہے، جہاں ایک ہی روز میں 37 پروازیں آپریٹ ہونے کا نیا ریکارڈ قائم ہوگیا۔
فلائٹ شیڈول کے مطابق بدھ کو ملتان ایئرپورٹ پر 18 پروازیں لینڈ ہوئیں، جبکہ 19 پروازیں روانہ ہوئیں۔
دوسری جانب گزشتہ 24 گھنٹوں کے دوران ملک بھر میں مجموعی طور پر 449 پروازیں آپریٹ کی گئیں، جن میں سے 68 پروازیں منسوخ ہوئیں۔
رپورٹ کے مطابق ملک بھر میں 112 پروازوں میں ایک گھنٹے سے ساڑھے 17 گھنٹے تک تاخیر بھی ہوئی۔
