امریکی اور روسی سفارت کاروں کی پاکستان کو 79ویں یومِ آزادی پر مبارکباد
اسلام آباد: پاکستان کے 79ویں یومِ آزادی کے موقع پر پاکستان میں امریکی ناظم الامور نیٹلی اے بیکر اور روسی سفیر نے پاکستانی قوم کو مبارکباد پیش کی ہے۔
پاکستان میں امریکی سفارتی مشن اور امریکی ناظم الامور نیٹلی اے بیکر کی جانب سے جاری پیغام میں پاکستانی عوام کو یومِ آزادی کی مبارکباد اور نیک تمنائیں پیش کی گئیں۔
امریکی سفارتخانے کے پیغام میں کہا گیا ہے کہ پاکستان کے قیام کے بعد اسے تسلیم کرنے والے ابتدائی ممالک میں امریکا بھی شامل تھا۔
پیغام میں مزید کہا گیا کہ گزشتہ 80 برسوں کے دوران پاکستان اور امریکا کے درمیان دوستی مزید مضبوط ہوئی ہے۔ امریکی سفارتی مشن نے پاکستانی عوام کے لیے امن، خوشی اور خوشحالی کی نیک خواہشات کا اظہار کیا۔
