لاہور میں گاڑیوں کے دھویں کی نگرانی کے لیے جدید ٹیکنالوجی متعارف کرانے کا فیصلہ کر لیا گیا۔ شہر کے 9 اہم داخلی و خارجی راستوں پر وہیکل ایمیشن سکیننگ سسٹم نصب کیا جائے گا۔
حکام کے مطابق وہیکل ایمیشن سکیننگ سسٹم کے ذریعے گاڑیوں کے دھویں کی غیر مداخلتی ٹیکنالوجی سے موقع پر ہی سکیننگ کی جائے گی۔ جدید ریموٹ سینسنگ ڈیوائسز گاڑی کو روکے بغیر اس کے اخراج میں موجود آلودگی کی پیمائش کریں گی۔
سسٹم کے ذریعے گاڑی کا رجسٹریشن نمبر، رفتار، ایکسیلیریشن اور سکیننگ کا وقت بھی ریکارڈ کیا جائے گا، جس سے زیادہ دھواں چھوڑنے والی گاڑیوں کی فوری نشاندہی ممکن ہو سکے گی۔
حکام کا کہنا ہے کہ جدید ٹیکنالوجی کے ذریعے ماحولیاتی نگرانی کا دائرہ وسیع اور آلودگی کے خلاف کارروائی مزید مؤثر بنائی جا سکے گی، جبکہ لاہور میں گاڑیوں سے پیدا ہونے والی فضائی آلودگی کے حقیقی رجحانات کا بھی تعین کیا جا سکے گا۔
زیادہ آلودگی پھیلانے والی گاڑیوں کی نشاندہی کے بعد ان کی مزید تفصیلی جانچ اور قانونی کارروائی کی جا سکے گی۔ منتخب گاڑیوں کی تفصیلی جانچ اور سکیننگ نتائج کی تصدیق کے لیے پورٹیبل ایمیشن سسٹم بھی استعمال کیا جائے گا۔
وہیکل ایمیشن سکیننگ سسٹم کے لیے ای پی اے میں خصوصی وہیکل ایمیشن ٹیسٹنگ یونٹ قائم کیا جائے گا۔ حکام کے مطابق یہ منصوبہ لاہور ایئر امپروومنٹ فریم ورک کے تحت تیار کیا جا رہا ہے۔
حکام کا کہنا ہے کہ نئے نظام سے گاڑیوں کے اخراج کی مؤثر نگرانی، ماحولیاتی قوانین پر عملدرآمد اور لاہور میں ایئر کوالٹی مینجمنٹ کو مزید مضبوط بنانے میں مدد ملے گی۔
وزارت خزانہ کے ایک اعلیٰ عہدیدار نے دی نیوز کو بتایا کہ جون 2025 سے جون 2026 کے دوران…
لاہور میں وزیراعلیٰ مریم نواز کی زیر صدارت اپنی چھت، اپنا گھر منصوبے سے متعلق اہم اجلاس ہوا، جس…
ایک بیان میں ثمر ہارون بلور نے کہا کہ رنگ روڈ پر واقع مفتی محمود مرکز سے متعلق اہم…
راولپنڈی پولیس کے مطابق گھر سے طلائی زیورات چوری کرنے کے الزام میں ملازمہ کو گرفتار کرکے اس کے…
اٹک میں تقریب سے خطاب کرتے ہوئے مریم نواز نے کہا کہ چوہدری سالک کے پاس الزامات کے ثبوت…
جنگ اور دی نیوز میں شائع رپورٹ میں بتایا گیا ہےکہ پلاننگ کمیشن کی ایک رپورٹ کے مطابق پاکستان…