اسلام آباد: چیئرمین پی ٹی آئی بیرسٹر گوہر علی نے کہا ہے کہ پی ٹی آئی عمران خان کی صحت پر کبھی سیاست نہیں کرے گی، حکومت کے ساتھ بات چیت آگے بڑھانے کے لیے عدالتی احکامات پر عملدرآمد ضروری ہے۔
پارلیمنٹ ہاؤس میں میڈیا سے گفتگو کرتے ہوئے بیرسٹر گوہر نے کہا کہ وقت نے ثابت کردیا ہے کہ سیاسی ہتھکنڈوں کے ذریعے کسی کو سیاسی طور پر مائنس نہیں کیا جاسکتا، پی ٹی آئی بھی کسی کو سیاسی طور پر مائنس کرنے کے حق میں نہیں۔
انہوں نے کہا کہ اگر عدالت کے حکم پر عملدرآمد ہوگا تو بات آگے بڑھے گی۔ عمران خان کی صحت سب سے اہم ہے اور صحت سے متعلق میڈیکل رپورٹس کو ذاتی یا سیاسی مقاصد کے لیے استعمال نہیں کیا جائے گا۔
بیرسٹر گوہر نے بشریٰ بی بی کی صحت سے متعلق مسائل حل کرنے کا مطالبہ کرتے ہوئے کہا کہ انہیں بھی اسپتال منتقل کرکے طبی سہولیات فراہم کرنا ان کا حق ہے۔ عدالتی احکامات پر عملدرآمد سے ملک میں سیاسی درجہ حرارت کم ہوسکتا ہے۔
چیئرمین پی ٹی آئی کا کہنا تھا کہ حکومت کو فوری اور محدود اقدامات کے بجائے مذاکرات کی طرف بڑھنا چاہیے اور سیاسی اختلافات کو بات چیت کے ذریعے حل کرنے کی کوشش کی جائے۔ ایسی بیان بازی سے گریز کرنا چاہیے جس سے سیاسی کشیدگی میں اضافہ ہو۔
انہوں نے کہا کہ اگر ملک کو آگے بڑھانا ہے تو اس کی ابتدا عدالتی احکامات پر عملدرآمد سے ہونی چاہیے۔
بیرسٹر گوہر نے مزید کہا کہ فوج، پولیس اور رینجرز کی حفاظت ہر پاکستانی کی اولین ترجیح ہے، سکیورٹی اداروں کو کسی خطرے سے دوچار نہیں کرنا چاہیے۔ ان کا کہنا تھا کہ دہشتگردی جہاں بھی ہو، قابل مذمت ہے۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…