ورلڈ چیمپئین شپ آف لیجنڈز:پاکستان اور بھارت کے درمیان آج میدان سجے گا

ورلڈ چیمپئین شپ آف لیجنڈز کے 8ویں میچ میں پاکستان اور بھارت کی ٹیمیں آج میدان میں ٹکرائیں گی۔

انگلینڈ کے ایجبسٹن کرکٹ اسٹیڈیم میں پاکستان اور بھارت کے درمیان میدان لگے گا، قومی کھلاڑیوں میں شاہد آفریدی، عبدالرزاق، مصباح الحق، سعید اجمل شامل ہیں جبکہ بھارت کی جانب سے یوسف پٹھان، یوراج سنگھ، عرفان پٹھان میدان میں اتریں گے۔

پاکستان کے معیاری وقت کے مطابق 8:30 بجے نشر کیا جائےگا۔ پاکستان اور بھارت نے ٹورنامنٹ میں دو،دو میچ جیتے ہیں۔

پاکستان نے کینگروز اور کالی آندھی کو دھول چٹائی۔ بھارت نے انگلش ٹیم اور ویسٹ انڈیز کو مات دی۔اس ایونٹ میں 6 ٹیمیں حصہ لے رہی ہیں۔