امریکا کے محکمہ جنگلی حیات کے مطابق دنیا کے سب سے عمر رسیدہ جنگلی پرندے، 74 سالہ وزڈم، نے ایک اور انڈہ دیا ہے۔
یہ پرندہ، جو بڑے پروں والا سمندری پرندہ (لیسین البیٹروسز) ہے، ہوائی کے شمال مغربی کنارے پر واقع مڈ وے اے ٹول نیشنل وائلڈ لائف ریفیوج پر واپس آیا اور ماہرین کے مطابق اپنا 60واں انڈہ دیا۔
ماہرین کا کہنا ہے کہ لیسین البیٹروسز ہر سال ایک انڈہ دیتے ہیں، اور وزڈم 2006 سے مسلسل اس ریفیوج پر انڈے دینے کے لیے آ رہی ہے۔ گزشتہ ہفتے بھی وہ یہاں لوٹی اور انڈہ دیا۔
ریفیوج کے ایک ماہر جونتھن لِسنر کے مطابق امید ہے کہ اس انڈے سے بچہ نکلے گا۔ ہر سال سینکڑوں سمندری پرندے اس ریفیوج پر آکر اپنے گھونسلے بناتے ہیں اور بچوں کی پرورش کرتے ہیں۔
