بھارتی ٹیم پاکستان کو ہرا دے گی، سابق اوپنر کا دعوی

سابق بھارتی کرکٹر گوتم گمبھیر کا کہنا ہے کہ موجودہ صورت حال میں پاک بھارت دشمنی کا جوش ختم ہو چکا ہے۔ ا انٹرویو میں گوتم گمبھیر نے کہا کہ انڈیا اس وقت پاکستان سے بہت بہتر ہے جس کی وجہ سے دونوں ممالک کے درمیان دشمنی پہلے جیسی متوازن نہیں ہے۔

گوتم گمبھیر کے خیال میں  پاکستان نے کئی بار ہندوستان پر غلبہ حاصل کیا ہے۔ انہوں نے کہا کہ  اس وقت اگر آپ دونوں ٹیموں کی سطح کو دیکھیں تو بھارت تینوں فارمیٹس میں پاکستان سے بہت برتر ہے۔ اگر پاکستان انڈیا کو ہرا دیتا ہے تو یہ پریشان  کن خبر ہے  البتہ اگر انڈیا پاکستان کو شکست دیتا ہے تو یہ کوئی بڑی بات نا ہوگی ۔

بھارتی سابق اوپنر نے مزید کہا کہ کرکٹ کے نقطہ نظر سے بھارت اور آسٹریلیا  کی ایک اعلیٰ میعار کی دشمنی ہے۔ بھارتی سابق کھلاڑی سمجھتے ہیں کہ اگر آپ کسی بچے سے بھی سوال پوچھیں گے تو وہ بھی بتائے گا کرکٹ کے حوالے سے اب آسٹریلیا بھارت کا دشمن ہے۔