"وزیراعظم کا چپڑاسی 400 کروڑ روپے کا مالک نکلا”

وزیراعظم شیخ حسینہ کا چپڑاسی 400 کروڑ روپے کا مالک نکلا

ڈھاکا: بنگلادیش کی وزیراعظم شیخ حسینہ کے سابق چپڑاسی، جہانگیر عالم، کی دولت کا انکشاف ہوا ہے، جس نے پورے ملک میں ہلچل مچا دی ہے۔ عالمی خبر رساں ادارے کے مطابق، شیخ حسینہ واجد نے اپنے ایک بیان میں کہا کہ ان کے گھر میں کام کرنے والا چپڑاسی 400 کروڑ روپے کا مالک بن بیٹھا ہے۔

یہ انکشافات سامنے آنے کے بعد بنگلادیش کے مرکزی بینک نے جہانگیر عالم، اس کی اہلیہ، اور وزیراعظم سے متعلق کئی اداروں کے بینک اکاؤنٹس کو ضبط کرنے کا حکم دے دیا ہے۔ اینٹی کرپشن کمیشن نے بھی تحقیقات کا آغاز کردیا ہے۔ کہا جا رہا ہے کہ جہانگیر عالم امریکہ میں اپنی دوسری بیوی کے پاس فرار ہوچکا ہے۔

جہانگیر عالم کے پاس کروڑوں مالیت کی گاڑی اور ایک تین منزلہ پُرتعیش گھر بھی موجود ہے، جبکہ اس کا طرزِ زندگی بھی شاہانہ ہے۔ وہ وزیراعظم شیخ حسینہ واجد کے اسٹاف میں شامل تھا اور معاون ورکر کی حیثیت سے کام کرتا تھا، لیکن اس کے بینک اکاؤنٹس میں کروڑوں روپے پائے گئے ہیں۔