سکولوں میں اسمارٹ فونز کا استعمال محدود کرنے کا قانون منظور

سکولوں میں اسمارٹ فونز کا استعمال محدود کرنے کا قانون منظور

واشنگٹن : امریکا کی ریاست کیلیفورنیا میں اسکولوں میں اسمارٹ فونز کے استعمال کو محدود کرنے یا اس پر پابندی عائد کرنے کا قانون منظور کر لیا گیا ہے۔ غیر ملکی میڈیا کے مطابق، اسکول بورڈز کو یکم جولائی 2026 تک اس حوالے سے کیمپسز میں ایک پالیسی تشکیل دینا ہوگی، جسے ہر پانچ سال بعد اپ ڈیٹ کرنا بھی ضروری ہوگا۔

کیلیفورنیا کے گورنر کا کہنا تھا کہ اسمارٹ فونز کا زیادہ استعمال طلبہ میں بے چینی، ڈپریشن اور دیگر ذہنی صحت کے مسائل کو بڑھاتا ہے۔ انہوں نے مزید کہا کہ یہ نیا قانون طلبہ کو تعلیمی کارکردگی، سماجی ترقی اور اپنی دنیا پر زیادہ توجہ مرکوز کرنے میں مدد فراہم کرے گا۔

واضح رہے کہ اسمارٹ فونز کے زیادہ استعمال سے دماغی بیماریوں اور سیکھنے کے عمل میں کمی کے خطرات کے پیش نظر یہ اقدام اٹھایا گیا ہے۔ ریاست فلوریڈا نے سب سے پہلے 2023 میں کلاس رومز میں اسمارٹ فونز کے استعمال پر پابندی عائد کی تھی، اور اب کیلیفورنیا نے بھی اسی طرز پر یہ قانون متعارف کرایا ہے تاکہ طلبہ کی ذہنی اور تعلیمی نشوونما کو بہتر بنایا جا سکے۔