مراکش کی خاتون فٹبالر یورپ پہنچنے کی کوشش کے دوران سمندر میں ڈوب گئیں

فاتن بن عمر العزیزی اسپین کے خودمختار علاقے سیوٹا پہنچنے کی کوشش کے دوران سمندر میں ڈوب کر جاں بحق ہو گئیں۔

میڈیا رپورٹس کے مطابق وہ ماضی میں موغریب ایتلیٹی کو تطوان کی نمائندگی کر چکی تھیں۔

بتایا گیا ہے کہ وہ شمالی مراکش سے سیوٹا تک ایک خطرناک سمندری راستے کے ذریعے غیر قانونی طور پر ہجرت کی کوشش کر رہی تھیں، جہاں حادثہ پیش آیا۔

حالیہ عرصے میں شمالی مراکش سے سیوٹا کی جانب غیر قانونی ہجرت کی کوششوں میں اضافہ دیکھا گیا ہے، اور خراب موسم، سمندری لہروں اور دیگر خطرات کے باعث متعدد افراد اپنی جانیں گنوا چکے ہیں۔

ان کی وفات پر ساتھی کھلاڑیوں، دوستوں اور مراکش کی فٹبال برادری نے گہرے دکھ کا اظہار کرتے ہوئے انہیں ایک محنتی، باصلاحیت اور خوش اخلاق کھلاڑی قرار دیا۔

یہ واقعہ غیر قانونی اور خطرناک سمندری راستوں سے ہجرت کی کوششوں سے وابستہ انسانی جانوں کو درپیش سنگین خطرات کی بھی یاد دہانی کراتا ہے۔