برطانوی وزیراعظم کا گرومنگ گینگز کے مجرموں کی ممکنہ جلد رہائی پر فوری نظرثانی کا حکم
لندن: برطانوی وزیراعظم اینڈی برنہم نے گرومنگ گینگز کے ارکان کی ممکنہ قبل از وقت رہائی کے معاملے پر فوری نظرثانی کا حکم دے دیا۔
میڈیا رپورٹس کے مطابق ٹوری پارٹی کی رہنما کیمی بیڈینوک نے خدشہ ظاہر کیا تھا کہ بچوں سے جنسی زیادتی کے جرائم میں ملوث بعض افراد بھی جیلوں سے جلد رہا ہوسکتے ہیں۔
وزیراعظم کے ترجمان کے مطابق متعلقہ کیسز کا فوری جائزہ لیا جا رہا ہے۔ ابتدائی مرحلے میں ایسے مجرموں کی شناخت کی جائے گی جنہیں موجودہ قوانین اور رہائی کے طریقہ کار کے تحت جیل سے رہا کیا جاسکتا ہے۔
دوسری جانب حکومت نے جیلوں میں گنجائش پیدا کرنے کے لیے تقریباً 5 ہزار قیدیوں کی رہائی کا منصوبہ بھی تیار کیا ہے۔
حکام کے مطابق ممکنہ رہائی کے فیصلوں میں سنگین جرائم میں سزا یافتہ افراد کے کیسز کا بھی جائزہ لیا جا رہا ہے تاکہ عوامی تحفظ کو یقینی بنایا جاسکے۔