بھارت: بچے کی موت پر غمزدہ ریچھ نے حملہ کرکے بہن بھائی کو ہلاک کردیا

بھارت: بچے کی موت پر مشتعل مادہ ریچھ کا حملہ، بہن بھائی ہلاک **نئی دہلی:** بھارتی ریاست چھتیس گڑھ کے ضلع کانکیر میں جنگلی ریچھ کے حملے کے نتیجے میں بہن بھائی ہلاک جبکہ ایک خاتون زخمی ہوگئی۔ بھارتی میڈیا کے مطابق واقعہ نارہارپور فارسٹ رینج کے علاقے میں واقع گاؤں **لارگاؤں مارکاٹولا** میں پیش آیا، جہاں تین بہن بھائی کھیت میں موجود تھے کہ اچانک ایک مادہ ریچھ نے ان پر حملہ کردیا۔ محکمہ جنگلات کے حکام کے مطابق حملے میں **38 سالہ حلال خور جوری** اور ان کی **40 سالہ بہن چمرین بائی** ہلاک ہوگئیں، جبکہ ان کی ایک اور بہن **خورین بائی** زخمی ہوگئیں، جنہیں فوری طور پر اسپتال منتقل کیا گیا۔ مقامی افراد کے مطابق مادہ ریچھ منگل کے روز اپنے ایک بچے کی موت کے بعد غیر معمولی طور پر مشتعل اور جارحانہ ہوگئی تھی۔ گاؤں والوں کا کہنا ہے کہ بہن بھائیوں پر حملے کے بعد مادہ ریچھ کافی دیر تک لاشوں کے قریب بیٹھی رہی اور انہیں پنجے مارتی رہی۔ محکمہ جنگلات کے حکام نے علاقے میں موجود مقامی افراد کو محتاط رہنے اور متاثرہ علاقے سے دور رہنے کی ہدایت کی ہے۔