کان پور: بھارتی ریاست اتر پردیش کے شہر کان پور میں تربیتی طیارہ گر کر تباہ ہوگیا، حادثے میں پائلٹ اور انسٹرکٹر ہلاک ہوگئے۔
بھارتی میڈیا کے مطابق دو انجن والا اطالوی ساختہ ٹیکنام تربیتی طیارہ صبح ساڑھے 11 بجے پرواز پر روانہ ہوا تھا اور تقریباً 11 بج کر 50 منٹ پر ٹریننگ سینٹر واپس آتے ہوئے حادثے کا شکار ہوگیا۔
رپورٹ کے مطابق حادثے کی وجوہات تاحال معلوم نہیں ہوسکیں، جبکہ واقعے کی تحقیقات جاری ہیں۔
