لاہور کے علاقے ہربنس پورہ میں ایک گھر سے 65 سالہ خاتون کی پُراسرار لاش برآمد ہوئی، جس کے پاؤں پر بجلی کے تار لپٹے ہوئے تھے۔ پولیس کے مطابق خاتون کو کرنٹ لگا کر قتل کیا گیا ہے۔ مقتولہ شکیلہ فضیلت بیوہ تھیں اور کرائے کے مکان میں اکیلی رہائش پذیر تھیں۔ پولیس اور فرانزک ٹیمیں موقع پر پہنچ گئیں اور شواہد اکٹھے کر لیے۔
ابتدائی تفتیش میں شبہ ہے کہ خاتون کو جان بوجھ کر بجلی کا کرنٹ دے کر قتل کیا گیا۔ واقعے کی نوعیت مشکوک ہونے کے باعث قتل کی دفعات کے تحت مقدمہ درج کر لیا گیا ہے۔ پوسٹ مارٹم اور مزید تحقیقات کے بعد اصل حقائق سامنے آئیں گے پولیس کا کہنا ہے کہ تمام پہلوؤں سے تحقیقات جاری ہیں اور جلد قاتلوں کو گرفتار کرلیا جائے گا۔
