زیادتی کی کوشش ,بہو کی شکایت پر سسر گرفتار

زیادتی کی کوشش,بہو کی شکایت پر سسر گرفتار

لاہور میں ایک دل دہلا دینے والے واقعے میں، پولیس نے ایک شخص کو اپنی بہو کے ساتھ زیادتی کرنے کی کوشش کے الزام میں گرفتار کرلیا ہے۔ ایس پی ماڈل ٹاؤن اخلاق اللہ تارڑ کے مطابق، متاثرہ خاتون کوثر کی دس سال قبل ملزم حنیف کے بیٹے سے شادی ہوئی تھی اور ان کے دو بچے بھی ہیں۔
خاتون کا کہنا ہے کہ ان کے سسر، ان کے شوہر کی غیر موجودگی میں ان کے ساتھ زیادتی کی کوشش کرتا تھا اور گزشتہ کئی ماہ سے وہ انہیں ہراساں کر رہا تھا۔ آخر کار خاتون نے اپنے سسر کے خلاف تھانے میں درخواست دائر کی جس کے بعد ملزم گھر سے فرار ہو گیا۔

خاتون کی شکایت پر کوٹ لکھپت پولیس نے فوری کارروائی کرتے ہوئے ملزم کو تہت پھاٹک کے علاقے سے گرفتار کرلیا۔ پولیس نے ملزم کے خلاف مقدمہ درج کر کے اسے جینڈر سیل کے حوالے کردیا ہے۔

ایس پی اقبال ٹاؤن کا کہنا ہے کہ خواتین کے ساتھ زیادتی کرنے والوں کے خلاف سخت قانونی کارروائی کی جائے گی اور ایسے مجرموں کو کسی قسم کی رعایت نہیں دی جائے گی۔