تقریباً 25 مسلح ڈاکوؤں نے راکٹ لانچروں کے ذریعے پولیس کی گاڑیوں پر حملہ کیا
کچے کے علاقے میں ڈاکوؤں کا دہشت گردی کا بڑا حملہ، 11 پولیس اہلکار شہید
رحیم یار خان: پنجاب کے علاقے رحیم یار خان میں کچے کے علاقے میں ڈاکوؤں کے ایک منظم اور شدید حملے میں 11 پولیس اہلکار شہید جبکہ تین دیگر زخمی ہوگئے۔ یہ واقعہ کچے کے علاقے ماچھکہ کیمپ 2 پر پیش آیا جہاں ڈاکوؤں نے پولیس کی نفری کو تبدیل کرنے والی موبائلوں کو راکٹ لانچروں سے نشانہ بنایا۔واقعے کی تفصیلات کے مطابق، پولیس نے ڈاکوؤں کی بڑھتی ہوئی نقل و حرکت کو روکنے کے لیے کچے کے علاقے ماچھکہ میں ایک کیمپ قائم کیا تھا۔
تاہم، ڈاکوؤں نے موقع کا فائدہ اٹھاتے ہوئے حملہ کیا اور تقریباً 25 مسلح ڈاکوؤں نے راکٹ لانچروں کے ذریعے پولیس کی گاڑیوں پر حملہ کیا۔ اس حملے میں پولیس کی موبائلیں مکمل طور پر تباہ ہوگئیں۔حملے کے نتیجے میں 11 پولیس اہلکار موقع پر ہی شہید ہوگئے جبکہ تین اہلکار شدید زخمی ہوئے جنہیں فوری طبی امداد فراہم کرنے کے لیے جائے وقوعہ پر ایمبولینسز طلب کرلی گئیں۔
واقعے کے بعد پولیس نے فوری ردعمل ظاہر کرتے ہوئے ضلع بھر کی بھاری نفری کو جائے وقوعہ پر طلب کیا، جن کی قیادت ضلعی پولیس آفیسر عمران کر رہے ہیں۔ ضلعی انتظامیہ اور پولیس نے علاقے میں سرچ آپریشن کا آغاز کر دیا ہے تاکہ مجرموں کو گرفتار کیا جا سکے اور علاقے میں امن و امان کو بحال کیا جا سکے۔
عام طور پر کتوں کو وفاداری کی علامت سمجھا جاتا ہے، لیکن جنوبی امریکی ملک بولیویا میں ایک مرغے…
لاہور میں انسولین کے بعد انفلوئنزا (فلو) سے بچاؤ کی ویکسین بھی مارکیٹ سے غائب ہوگئی، جبکہ دستیاب ویکسین…
کیا آپ جانتے ہیں کہ دنیا کی سب سے طویل ٹرین کس ملک سے تعلق رکھتی ہے؟ جنوبی افریقا…
ایپل نے رواں سال اسٹینڈرڈ آئی فون 18 اور آئی فون ایئر 2 متعارف نہیں کرائے، تاہم نئی لیک…
ملتان: 15 سالہ وسیم عباس کی کار سے کچلے جانے کے بعد غیر رجسٹرڈ یتیم خانے کے خلاف کارروائی ملتان…
کراچی: ایچ آئی وی سے متاثرہ 157 بچوں کی ماؤں کو ماہانہ 40 ہزار روپے امداد دینے کا عمل شروع…