پتوکی: مسجد کے گلّے سے چوری کی کوشش، کرنٹ لگنے سے نشئی ہلاک

قصور پتوکی میں مسجد کے گلّے سے چوری کی کوشش کے دوران کرنٹ لگنے سے ایک نشئی جاں بحق ہو گیا۔پولیس کے مطابق مسجد کے گلّے سے بار بار چوری کی وارداتیں ہو رہی تھیں۔ ان چوریوں سے تنگ آ کر امام مسجد نے گلّے میں بجلی کا کرنٹ چھوڑ دیا۔ گزشتہ رات چور جب دوبارہ چوری کی نیت سے پہنچا تو بجلی کے جھٹکے سے موقع پر ہی دم توڑ گیا۔ واقعے کی اطلاع ملتے ہی پولیس نے موقع پر پہنچ کر تفتیش شروع کر دی ہے۔امام مسجد سے بھی پوچھ گچھ کی جا رہی ہے تاکہ معاملے کی مکمل تحقیقات کی جا سکیں۔